Müğənni Nərmin Kərimbəyova ötən gün ilk dəfə klip təqdimatı edib.
Doğru.az xəbər verir ki, ifaçı “Qaralama sevgi” adlı sayca 20-ci klipini sevənlərinin ixtiyarına verib.
Tədbirin aparıcısı Azər Süleymanlı qonaqları salamlayıb, müğənninin fəaliyyəti haqda məlumat verib. Daha sonra Nərmin Kərimbəyova səhnəyə dəvət olunub və qonaqlarla birlikdə klip izlənilib.
Bildirilib ki, ekran işi Gürcüstanın paytaxtı Tbilisidə bir neçə fərqli məkanda lentə alınıb. Onların arasında 18-ci əsrə aid Marşal sarayı və “Gürcüstan salnaməsi” abidəsi var. Çəkilişlər bir həftə davam edib.
Söz və musiqisi Bahar Qəhrəmanlıya məxsus mahnıya klipi rejissor Nisə Cəfərova lentə çəkib.
DOĞRU.AZ
