Rusiya prezidentinin mətbuat katibi Dmitri Peskov ABŞ prezidentliyinə Respublikaçılar Partiyasından namizəd Donald Trampın Rusiya və Çini “ayrılmaq” planlarından danışıb.
“Niyə ayrılmağa ehtiyac olduğu, Rusiya və Çin arasında əməkdaşlığa nə üçün müdaxilə etmək zərurəti olduğu aydın deyil”, – Peskov bildirib.
Kreml nümayəndəsi vurğulayıb ki, iki ölkə arasında əməkdaşlıq strateji tərəfdaşlığın xüsusi, imtiyazlı xarakteri daşıyır.
“Ancaq bizim Çinlə əməkdaşlığımızın əsas xüsusiyyəti ondan ibarətdir ki, o, üçüncü ölkələrə qarşı deyil, yalnız iki ölkənin xalqlarının maraqlarına yönəlib. Əsas məsələ budur”, – Peskov qeyd edib.
Bundan əvvəl Tramp jurnalist Taker Karlsonla müsahibəsində prezident seçkilərində qalib gələcəyi təqdirdə Rusiya və Çini “bağlamaq” niyyətini açıqlamışdı.
Mənbə RİA Novosti
