Noyabrın 7-də Azərbaycan Respublikasının Prezidenti İlham Əliyev və Pakistan İslam Respublikasının Baş naziri Məhəmməd Şahbaz Şərif birgə nahar ediblər.
AZƏRTAC xəbər verir ki, görüş zamanı iki qardaş ölkə arasında dostluq və strateji əməkdaşlıq münasibətlərinin daha da möhkəmləndirilməsi məsələləri müzakirə olunub. Tərəflər qarşılıqlı hörmət və etimada əsaslanan əlaqələrin gələcək inkişafı ilə bağlı fikir mübadiləsi aparıblar.
Prezident İlham Əliyev Pakistanın Azərbaycana davamlı dəstəyini yüksək qiymətləndirib, Azərbaycan–Pakistan qardaşlığının sarsılmaz olduğunu vurğulayıb.
DOĞRU.AZ
