“The X-Files” filminin aktyoru Stüart Marqolin 82 yaşında vəfat edib.
Aktyorun ölümü haqda xəbəri onun ögey oğlu Maks Martini verib.
“Sevgisi və dəstəyi ilə həmişə ailəsinin yanında olan atalığım. Nur içində yat”, – deyə o, özünün “Instagram” hesabında yazıb.
Aktyorun ölümünün səbəbləri açıqlanmayıb.
Marqolin həyatı boyu “The X-Files”, “Death Wish”, “Arbitrage”, “Quantum Leap”, “E.N.G.”, “Magnum, P.I.” serialları da daxil olmaqla bir sıra layihələrdə iştirak edib.
Aktyor 1979 və 1980-ci illərdə “The Rockford Files” serialının beşinci və altıncı mövsümləri üçün iki “Emmy” mükafatının qalibi olub.
