Tibetdə baş verən zəlzələ nəticəsində ölənlərin sayı 95-ə çatıb, daha 130 nəfər müxtəlif dərəcəli bədən xəsarətləri alıb.
Bu barədə Sinxua agentliyi məlumat yayıb.
“Saat 15:00-a (Moskva vaxtı ilə 10:00) olan məlumata görə, Tinqri qraflığında baş verən zəlzələ 95 nəfərin ölümünə, 130 nəfərin yaralanmasına səbəb olub”, – məlumatda deyilir.
Daha əvvəl 53 nəfərin öldüyü, 62 nəfərin yaralandığı məlum olub.
Çində baş verən zəlzələdən sonra turistlərin Everestə çıxışının dayandırıldığı da bildirilib.
DOĞRU.AZ
