Türkiyənin Suriya Dəməşqdəki səfirliyi binanın üzərində Türkiyə bayrağının dalğalanması ilə işini bərpa edib.
Bu barədə “TRT Haber” məlumat yayıb .
“2012-ci ildə fəaliyyəti dayandırılan Türkiyənin Dəməşq səfirliyində bu gün Türkiyə bayrağı qaldırılıb. Səfirliyin işi bərpa olunub”, – materialda deyilir.
Diplomatik missiyanın 2012-ci il martın 26-da fəaliyyətini dayandırdığı, səfirliyin əməkdaşları və onların ailə üzvlərinin Türkiyəyə qayıtdığı qeyd edilir.
Bundan əvvəl Türkiyənin xarici işlər naziri Hakan Fidan türk nümayəndə heyətinin səfirlik açmaq üçün Dəməşqə getdiyini bildirmişdi.
DOĞRU.AZ
