Türkmənistan Xalq Məsləhətinin sədri Qurbanqulu Berdiməhəmmədovun qızı Oquldjaxan Atabayeva iyulun 16-da Heydər Əliyev Fondunun vitse-prezidenti Leyla Əliyeva ilə birgə Heydər Əliyev Mərkəzini ziyarət edib.
Doğru.az xəbər verir ki, qonağa Mərkəzin direktoru Anar Ələkbərov binanın memarlıq xüsusiyyətləri və fəaliyyət istiqamətləri barədə məlumat verib. Bildirilib ki, Mərkəz Ümummilli Lider Heydər Əliyevin irsinin araşdırılması və təbliği məqsədi daşıyır.
Oquldjaxan Atabayeva burada Ümummilli Liderin rəsmi istifadə etdiyi avtomobillərə, fəaliyyətini əks etdirən eksponatlara, fotoşəkillərə və multimedia təqdimatlarına baxıb. O, həmçinin “Azərbaycan inciləri”, “Musiqi alətləri: Birlik və müxtəliflik”, “Kukla İncəsənətdə”, “İlmələrin rəqsi”, “Qızılgülün sirri” və “Əbədiyyətin ifadəsi” adlı sərgilərlə tanış olub.
Ziyarətin sonunda Oquldjaxan Atabayeva və Leyla Əliyeva arasında görüş keçirilib, qonağa xatirə hədiyyəsi təqdim olunub. Atabayeva Mərkəzdən xoş təəssüratla ayrılıb.
DOĞRU.AZ
