Vladivostokdakı 2 nömrəli Regional Klinik Xəstəxananın həkimləri 46 yaşlı xəstədən futbol topu böyüklüyündə yumurtalıq şişini uğurla çıxarıblar.
Doğru.az xəbər verir ki, diaqnostik ultrasəs və MRT zamanı diametri 20 sm-ə qədər olan şiş aşkar edilib.
Xəstəxanadan bildirilib ki, yumurtalıq nekrozu da daxil olmaqla ciddi ağırlaşmalar istənilən vaxt inkişaf edə bilərdi. Xəstə əvvəllər bağırsağın bir hissəsinin və limfa düyünlərinin çıxarılması ilə bağlı əməliyyat keçirdiyi üçün cərrahi müdaxilə əlavə çətinliklər yaradırdı.
“Geniş müdaxilə qaçılmaz olaraq ciddi bitişmələrə səbəb olub və qonşu orqanların zədələnməsi riski var idi. Həkimlərin səyləri sayəsində qadın ağrısız və normal həyata qayıda bilib”, – xəstəxana açıqlamasında qeyd edib.
Əməliyyat 2,5 saatdan çox davam edib və xəstə əməliyyatdan bir həftə sonra xəstəxanadan buraxılacaq. Onun özünü yaxşı hiss etdiyi bildirilib.
Bundan əlavə, noyabr ayında Yamalda həkimlər mədəsi deşilmiş bir qadını, həmçinin Sverdlovskda bronxlarında gil parçası olan bir uşağı xilas ediblər.
DOĞRU.AZ
