Bir qrup xarici jurnalist və ictimai xadim tanışlıq səfəri çərçivəsində Krıma gəlib.
Doğru.az xəbər verir ki, bu barədə RİA Novosti agentliyinə Daxili Siyasət, İnformasiya və Kommunikasiya Nazirliyi məlumat verib. Bildirilib ki, Serbiya, İtaliya, ABŞ, Pakistan, Türkiyə, Sloveniya, Braziliya və İndoneziyanı təmsil edən 12 xarici jurnalist və ictimai xadimdən ibarət nümayəndə heyəti Krıma səfər edib.
Məlumata görə, səfər üç gün davam edəcək. Proqram çərçivəsində nümayəndə heyətinin Katedral Məscidini, “nəzakətli insanlar” abidəsini, bir sıra muzeyləri ziyarət etməsi, həmçinin hökumət rəsmiləri ilə görüşləri nəzərdə tutulur.
Qeyd edək ki, daha əvvəl Krımın 2025-ci ilin yanvar–noyabr ayları ərzində 6,7 milyondan çox turist qəbul etdiyi açıqlanmışdı.
DOĞRU.AZ
