Beynəlxalq Gimnastika Federasiyasının (FIG) prezidenti Morinari Vatanabe Rusiya və Belarus idmançılarının yarışda iştirakına icazə verilməsi qərarını şərh edib.
“Rusiya və Belarus gimnastlarını müstəqil neytral idmançılar kimi yarışmağa qəbul etməklə, Beynəlxalq Gimnastika Federasiyası bütün idmançıların hüquqlarına hörmət edilməsini təmin edir və gimnastikanın sülhə sadiq olduğuna dair dünyaya siqnal göndərir”, – deyə Vatanabe bildirib.
İyulun 19-da məlumat verilmişdi ki, bitərəf status üçün müraciət edən hər bir idmançı hazırlanmış qaydalara uyğun olaraq xüsusi ərizə doldurmalı və FIG-ə göndərməlidir. Müvəffəqiyyətli qərar olarsa, idmançı 2024-cü il yanvarın 1-dən etibarən yarışa qatılmaq hüququ qazanacaq.
Mənbə: Reuters
