Birləşmiş Ştatlar BMT Təhlükəsizlik Şurasının Qəzza zolağında atəşkəs tələb edən qətnamə layihəsini yenidən bloklaya bilər.
Bu barədə Rusiya Federasiyasının BMT yanında Daimi Nümayəndəliyinin birinci müavini Dmitri Polyanski özünün Telegram kanalında yazıb.
Onun sözlərinə görə, fevralın 20-də saat 10:00-da BMT Təhlükəsizlik Şurası Əlcəzairin təqdim etdiyi Qəzza zolağında atəşkəsin dərhal dayandırılmasını tələb edən Təhlükəsizlik Şurasının qətnamə layihəsinə səs verəcək.
Daimi nümayəndənin müavini xatırladıb ki, Birləşmiş Ştatlar bu sənəddən razı deyil və “onlar veto hüququndan istifadə edəcəklərini artıq açıq şəkildə bəyan ediblər”. Bu barədə daha əvvəl ABŞ-ın BMT-dəki daimi nümayəndəsi Linda Tomas-Qrinfild danışıb. O qeyd edib ki, Birləşmiş Ştatlar qətnamə layihəsini bloklayarsa, bu, Fələstin HƏMAS hərəkatı ilə İsrail arasında münaqişənin ötən ilin oktyabrında kəskinləşməyə başlamasından bəri Amerikanın dördüncü vetosu olacaq.
Polyanski əlavə edib ki, hər bir belə hal ABŞ-ın dünyada, ilk növbədə Yaxın Şərqdəki nüfuzuna qeyd-şərtsiz zərbədir.
Mənbə: Gazeta.ru
