ABŞ ordusu Yəmənin Ənsar Allah üsyançı hərəkatından olan husilərin Ədən körfəzində ABŞ-ın Chem Ranger gəmisinə raket hücumu təşkil etdiyini təsdiqləyib.
Bu barədə ABŞ Mərkəzi Komandanlığı (CENTCOM) Twitter səhifəsində məlumat yayıb.
CENTCOM-un bəyanatında deyilir ki, yanvarın 18-də husilər ABŞ-a məxsus və Yunanıstanın idarə etdiyi Chem Ranger tankerinə iki gəmi əleyhinə ballistik raket atıblar.
“Komanda raketlərin gəminin yaxınlığında suya düşdüyünü görüb”, – məlumatda deyilir.
Tələfat və dağıntılar barədə məlumat yoxdur.
Mənbə: CNN Türk
