Pxenyanın Haeil-5-23 sualtı nüvə silah sistemini sınaqdan keçirdiyini elan etməsindən sonra Şimali Koreyanın fəaliyyətini izləmək üçün Cənubi Koreya səmasında ABŞ Hərbi Hava Qüvvələrinə məxsus RC-135W Rivet Joint müşahidə təyyarəsi görünüb.
Bu barədə Cənubi Koreyanın Yonhap agentliyi məlumat yayıb.
Agentlik bildirib ki, “ABŞ-ın müşahidə təyyarəsi bazar ertəsi Cənubi Koreya üzərində uçub, aviasiya izləyiciləri, sualtı zərbə vuran nüvə pilotsuz təyyarəsinin sınağından sonra Şimali Koreyanı müşahidə etmək üçün açıq-aşkar missiyanı göstəriblər”.
Qeyd edilir ki, kəşfiyyat təyyarəsi Şimali Koreyanın Haeil 5-23-ü sınaqdan keçirdiyini söylədikdən üç gün sonra Cənubi Koreyaya göndərilib.
Bu, əvvəlki iki uçuşdan sonra, 4 və 17 yanvar tarixlərində bu il qeydə alınan üçüncü uçuşdur.
Mənbə: A Haber
