image-2000x150px
image-xcvbhnj_61545993548backend

Afaq Bəşirqızı: “Səhnəni istedadsızlardan təmizləyərdim”

image-728x90px

Xalq artisti Afaq Bəşirqızı Rövşanə Ağasəfqızının “Olduğu kimi” proqramının qonağı olub.

Axşam.az xəbər verir ki, aktrisa obrazlarından danışıb. O, “Söylü, Darçınbəyim, Gülya… İndiki qadınları hansına bənzədirsiniz?” sualına “Bugünkü qadını zəmanə ilə əlaqədar hadisələr imkan vermir ki, düşünəsən. Qadınlarımızı qazi və şəhid anaları kimi görürəm” cavabını verib.

A.Bəşirqızı ən sevdiyi obrazından danışıb:

“Mənim üçün obrazlarım eynidir. Parlaq deyə fikir yoxdur. Suqranı Söylüdən çox istəyirəm. Amma insanlar Söylünü daha çox sevdirdi. Obrazlarımın hamısını sevirəm, bir-birindən ayırmaram. Sevmədiyim bir pyesi oynayanda, obrazı yaradanda səhnə darıxdırıcı olur”.

Həyat yoldaşı Əhməd Təhməzovla bağlı “Əhməd kimdir həyatınızda?” sualına aktrisa belə reaksiya verib:

“Həyat bələdçim, lüğətsiz, izahsız başa düşənimdir, söykəndiyim dağdır, yaşama səbəbimdir”.

A.Bəşirqızı “Səhnəni kimlərdən təmizləyərdiz?” sualına “Bütün istedadları bir yerə yığardım. Elə istifadə edərdim ki, bütün istedadlılar bir araya gələrdi. İstedadsızlardan təmizləyərdim səhnəni” sözləri ilə münasibət bildirib.

DOĞRU.AZ

image-728x90px

  • whatsapp
  • messenger
  • telegram
  • vkontakte
  • odnoklassniki