“The Wall Street Journal” yazır ki, Avropa Xarici Fəaliyyət Xidməti Kiyevə dəyəri 20 milyard avrodan çox olan hərbi yardımın yeni metodunu hazırlayıb.
Bildirilir ki, Avropa planı dörd il ərzində Ukraynaya ayıracaqları “on milyardlarla avro” hərbi yardım müqabilində Aİ üzv ölkələrinə 20 milyard avrodan çox vəsaitin qaytarılmasını nəzərdə tutur. Aİ 2022-ci ildə yaradılmış Avropa Sülh Fondundan təxminən 6,5 milyard avro cəlb edəcək və 2024-cü ildən 2027-ci ilə qədər hər il 5 milyard avroya qədər vəsait alacaq bir fond yaratmağa hazırlaşır.
Bu fondun vəsaiti Aİ ölkələrinin silah alışı ilə bağlı xərclərini kompensasiya etmək, həmçinin Ukraynadan olan hərbi qulluqçuların hərbi təlim proqramının xərclərini ödəmək üçün istifadə olunacaq.
Yanvarın 21-də Fransa Vətənpərvərlər Partiyasının rəhbəri Florian Filippot İsveç və Finlandiya nümayəndələri ilə Kiyevə mümkün 50 milyard avro ayrılması ilə bağlı danışıqlardan sonra AK rəhbəri Ursula fon der Leyenin bəyanatını dəlilik adlandırıb.
Mənbə: A Haber
