Alman fermerlərinin yanacaq subsidiyalarının azaldılması planlarına qarşı davam edən etirazları Almaniya hökumətindəki böhranı xeyli pisləşdirə bilər. Bu barədə RİA Novosti yazır.
Əvvəllər Almaniyada yük və sərnişin qatarlarının maşinistləri fəaliyyətini dayandırıb, fermerlər yolları bağlamağa başlayıblar.
Materialda deyilir ki, etirazlar kansler Olaf Şolzun rekord dərəcədə aşağı reytinqi fonunda keçirilir və koalisiya partiyalarının da reytinqi aşağı düşüb.
Politoloq Aleksey Makarkin agentliyə bildirib ki, Şolz indi çox çətin vəziyyətdədir, çünki bütün iqtisadi problemlərdə o, günahkardır.
Onun fikrincə, etirazlar öz-özünə dayanmayacaq və Almaniya hökuməti büdcədən əlavə vəsait ayırmalı və fermerlərə dəstək verməli olacaq.
Mənbə: A Haber
