Argentina hökuməti hökumət əleyhinə nümayişlərdə iştirak edənlərdən 134,5 milyon pesonun (158,6 min dollar) geri alınmasını tələb etmək niyyətindədir.
Bu barədə ölkənin təhlükəsizlik naziri Patrisiya Bullriç X sosial şəbəkəsində məlumat verib.
Onun sözlərinə görə, pul asayişi təmin etmək üçün əməliyyat xərclərini ödəməli olacaq. Bununla belə, məbləğ yekun deyil – onlar buna xəsarət alan polis əməkdaşlarının tibbi xidmət xərclərini də əlavə etməyi planlaşdırırlar.
Yanvarın sonundan fevralın 2-dək Argentina Konqresinin qarşısında prezident Xavyer Milinin hazırda parlamentdə nəzərdən keçirilən islahatlar paketinə qarşı etiraz aksiyaları keçirilib. Buenos-Ayresin meri Xorxe Makrinin sözlərinə görə, iştirakçılar şəhərin əmlakına ziyan vurublar, ona görə də hakimiyyət onlar üçün cəza axtaracaq.
Mənbə: A Haber
