Argentina millisinin futbolçusu Anxel Di Maria 2026-cı il dünya çempionatının seçmə mərhələsi çərçivəsində noyabrın 22-də komandalar arasında baş tutan qarşılaşmadan əvvəl Braziliya millisinin azarkeşlərinə tüpürüb.
Oyundan əvvəl matçın keçirildiyi Braziliyanın “Marakana” stadionunda iğtişaşlar baş verib. Argentina millisi meydanı tərk etmək qərarına gəlib. Argentinalılar tunelə yaxınlaşarkən Braziliya komandasının azarkeşləri Di Mariyanın üzərinə pivə töküblər. Buna cavab olaraq Di Maria tullanaraq podiuma tərəf tüpürdü.
İtaliyanın ITASportPress xəbər agentliyi Di Marianın tüpürdüyünə görə diskvalifikasiya oluna biləcəyini yazıb.
Qeyd edək ki, Argentinalılar 1:0 hesabı ilə qalib gəliblər.
Mənbə: NTV Spor
