Bakının Suraxanı rayonu, Bülbülə qəsəbəsində yerləşən 316 saylı orta məktəbin 11A sinfinin bütün şagirdləri ali məktəblərə qəbul olunub.
Məktəbdən verilən məlumata görə həmin sinifdə təhsil almış 27 şagirdin hamısı buraxılış və qəbul imtahanlarında yüksək və orta nəticələr göstərib. Onlar avqustun 31-də başa çatan ixtisas seçiminin nəticələrinə əsasən müxtəlif ali məktəblərə qəbul olunublar. Bu, bir sinifden tələbə adını qazananların sayına görə Azərbaycan üzrə qeydə alınan ən yüksək göstəricidir.
Qeyd edək ki, şagirdlərdən 3 nəfəri 600-dan, 7 nəfəri isə 500-dən çox bal toplayıb.