“Barselona”nın idman direktoru Mateu Alemany bildirib ki, klub Usman Dembelenin Paris Saint-Germain-ə keçidi ilə razılaşıb.
Onun sözlərini jurnalist Fabrizio Romano sosial şəbəkələrdə yazıb.
Dembele Parisə gedəcək. Danışıqlar başa çatıb, yalnız sənədləri imzalamaq qalır”, – Alemani bildirib.
Dembele 2017-ci ildə “Borussiya Dortmund”dan 135 milyon avroya “Barselona”ya keçib.O, İspaniya klubunun heyətində 137 oyuna çıxıb, 24 qol vurub. Komandanın tərkibində 3 dəfə ölkə çempionu olub, iki dəfə Kubok və Superkubok qazanıb. 2018-ci ildə Dembele Fransa yığmasının heyətində dünya çempionu olub.
Mənbə: NTV Spor
