“Barselona”nın hücumçusu Robert Levandovski müqaviləsi bitməmiş klubu tərk edə bilər.
Bu barədə SPORT.ES xəbər verir.
Nəşrin məlumatına görə, futbolçunun müqaviləsində 2024/2025-ci illər mövsümündən sonra matçların 55%-dən az iştirak etməsi şərti ilə İspaniya klubu müqaviləni vaxtından əvvəl ləğv edə biləcək bənd var. Futbolçunun “Barselona” ilə müqaviləsi 2026-cı ilin yayına kimi nəzərdə tutulub.
Bu La Liqa mövsümündə polşalı forvard 15 mümkün matçdan 13-də meydana çıxıb, yeddi qol (ikisi penaltidən) və üç məhsuldar ötürmə ilə yadda qalıb. Dekabrın 3-də “Barselona” “Atletiko Madrid”i 1:0 hesabı ilə məğlub edib. Yeganə qolu João Feliks vurub.
Levandovski Çempionlar Liqasının beş oyunundan dördündə də iştirak edib. Hücumçu cəmi bir dəfə qol vura bilib. “Barselona” turnirin pley-off mərhələsindəki yerini təmin edib.
Mənbə: NTV Spor
