Bolqarıstanın müdafiə naziri Todor Taqarev ABŞ prezidentliyinə namizəd Donald Trampın bəyanatlarını başa düşülən adlandırıb ki, Vaşinqton müdafiə xərcləri ilə bağlı öhdəliklərini yerinə yetirməyən ölkələri müdafiə etməyəcək.
O vurğulayıb ki, öhdəlik götürmüş müttəfiq ölkələr onlara hörmət etməli və yerinə yetirməlidir.
“Tramp kampaniya aparır və onun mövqeyi kifayət qədər aydındır. Bütün ölkələr [müdafiə xərclərini artırmaq üçün] bu öhdəliyi hələ 2014-cü il sammitində, yəni 10 il əvvəl götürmüşdülər və bəzilərinin hələ də bu 2%-ə [ÜDM-in] çatmaması narahatedicidir. Biz bu yükü birlikdə daşımalıyıq”, – deyə Taqarev bildirib.
Eyni zamanda o, “Avropanı Şimali Amerikadan ayırmaq istiqamətində addım atmamağa” çağırıb. Bolqarıstan Müdafiə Nazirliyinin rəhbəri ölkəsinin bütün öhdəliklərini yerinə yetirdiyini də vurğulayıb.
Mənbə: A Haber
