London “Tottenhem”inin və Braziliya millisinin futbolçusu Riçarlison psixoloji yardım almağı planlaşdırdığını bildirib.
“Meydanda mən xoşbəxt komanda oyunçusuyam, mümkün qədər kömək etməyə çalışıram. Bəzən işlər istədiyimiz kimi getmir. Meydandan kənarda keçən beş ay ərzində mən çətin bir dövr keçirdim. İndi işlər öz yolu ilə gedəcək, əminəm ki, “Tottenhem”də yaxşı nəticələr qazanacağam və hər şey yoluna düşəcək. “Mən İngiltərəyə qayıdacağam və problemlərim üzərində işləmək üçün psixoloqdan kömək istəyəcəyəm” dedi forvard.
26 yaşlı hücumçu 2022-ci ilin iyulundan “Tottenhem”də çıxış edir. O, London klubuna Liverpul Evertondan keçib. Ötən mövsüm braziliyalı “Spurs”un heyətində müxtəlif turnirlərdə 35 oyun keçirib və 3 qol vurub və 4 məhsuldar ötürmə edib.
Mənbə: TRT Spor
