Beynəlxalq Konkisürmə İttifaqı (ISU) Çin Qran Prisi zamanı tamaşaçılar tərəfindən buz üzərinə atılan Dongfeng-61 raketinə bənzəyən doldurulmuş oyuncaqla bağlı insidenti araşdırmaq niyyətindədir.
Doğru.az xəbər verir ki, Associated Press-in məlumatına görə, oktyabrın 26-da Çin Qran Prisində çinli duet Ren Junfei və Xing Jianing çıxış etdikdən sonra tamaşaçılar buzun üzərinə oyuncaq raket atıblar. Skiterlər balların açıqlanmasını gözləyərkən oyuncağı götürərək kameralara göstəriblər.
Məlumatda bildirilir ki, ISU buza atılan oyuncaqlar arasında yararsız olanı müəyyən edib və konkisürənlər onu götürüblər. İttifaqın insidentlə bağlı araşdırma aparacağı qeyd olunur.
DOĞRU.AZ
