Amerikalı sahibkar Elon Mask radikal sol qüvvələrin mümkün qələbəsinin ABŞ üçün ağır nəticələrə səbəb olacağını bildirib.
Doğru.az xəbər verir ki, o, bu fikirləri X sosial şəbəkəsində istifadəçilərdən birinin paylaşımına cavab olaraq yazıb. Maskın sözlərinə görə, radikal solçuların siyasəti, xüsusilə immiqrasiya məsələsinə yanaşmaları ölkənin gələcəyini təhlükə altına sala bilər.
Bəyanatda deyilir: “Radikal solçular qalib gələrsə, Amerika bitdi. Onlar qanunsuz immiqrasiya və saxtakarlığa qapı açacaqlar. Artıq Amerika olmayacaq.”
Mask daha əvvəl də radikal solçuların fəaliyyəti nəticəsində ABŞ-ın təkpartiyalı dövlətə çevrilə biləcəyi ilə bağlı xəbərdarlıq etmişdi.
Bu arada, ABŞ hakimiyyət orqanlarının 2025-ci ilin yanvar ayından etibarən 85 min vizanın ləğvini təsdiqlədiyi bildirilir.
DOĞRU.AZ
