Bir müddət əvvəl koronavirusa yoluxaraq xəstəxanaya yerləşdirilən Əməkdar artist Nigar Şabanova artıq sağalıb.
Sənətçi bu haqda instaqram hesabında paylaşım edib. O, bildirib ki, hər iki doza peyvənd olunmasına baxmayaraq yenə də COVID-19-a yoluxub:
“Özünüzü koronavirusdan qoruyun, sosial məsafəni saxlayın, gigiyenik qaydalara mütləq əməl edin. Vaksinə də arxayın olmayın. İki doza vaksinin ikisini də etdirmişdim, amma toyda ara məsafəsi saxlamadım və yoluxdum. Allah heç birinizə ağrı-acı nəsib etməsin. Sağalmışam, sabahdan sevimli makiyajlarıma qovuşacam. Sizi sevirəm, əzizlərim”.
