FIFA və UEFA milli komandamızın sabiq futbolçusu Şəhriyar Rəhimovun vəfatı ilə əlaqədar AFFA-ya başsağlığı məktubu ünvanlayıblar.
Oxu.Az milli assosiasiyanın rəsmi saytına istinadən xəbər verir ki, ali futbol qurumlarının rəhbərliyi adından Azərbaycan futbol ailəsinə başsağlığı verilib.
Qeyd edək ki, Şəhriyar Rəhimov avqustun 25-də – 34 yaşında onkoloji xəstəlikdən dünyasını dəyişib. O, 2018-19-cu illərdə Azərbaycan millisinin heyətində doqquz oyunda meydana çıxıb. Mərhum futbolçu karyerası ərzində “İnter” (indiki “Şamaxı”), “Karvan”, AZAL, “Rəvan”, “Kəpəz”, “Zirə” və “Səbail” klublarının formasını geyinib.
DOĞRU.AZ
