Diasporla İş üzrə Dövlət Komitəsinin sədri Fuad Muradov Macarıstanın Azərbaycandakı fövqəladə və səlahiyyətli səfiri Tamaş Yojef Tormanla görüşüb.
Doğru.az xəbər verir ki, görüş zamanı Prezident İlham Əliyevin rəhbərliyi ilə aparılan diaspor siyasəti, xaricdəki “Azərbaycan Ev”ləri, həftəsonu məktəbləri və Koordinasiya Şuraları barədə məlumat verilib. Komitə sədri həmçinin Türk Dövlətləri Təşkilatının diaspor məsələləri üzrə tədbirinə Macarıstanın ev sahibliyi etməsini vurğulayıb.
Səfir Tamaş Yojef Torman mədəni əlaqələrin genişlənməsinin vacibliyini qeyd edib, Azərbaycan dilinə sevgisini və öyrənmək istəyini ifadə edib. Görüşdə Azərbaycan və Macarıstan diaspor təşkilatları arasında əməkdaşlığın gücləndirilməsi, gənclər üçün mübadilə proqramları və ortaq layihələr müzakirə olunub.
DOĞRU.AZ
