image-2000x150px
image-123
image-ads_atlas
image-1489243backend

Günay və Zaur Baxşəliyevlərin verilişləri bağlanır? – RƏSMİ AÇIQLAMA

image-728x90px

“Bəzi sosial şəbəkələrdə ATV-nin ən reytinqli proqramlarından olan “Bizimləsən” və “Zaurla Günaydın” verilişlərinin guya bağlanacağı barədə əsassız iddialar irəli sürülür və hətta bu məlumatı telekanaldan hansısa məsul vəzifə tutan mücərrəd şəxsin təsdiqlədiyi qeyd edilir. Tamamilə yalandır”.

Bunu açıqlamasında ATV telekanalının Media və İctimaiyyətlə Əlaqələr Şöbəsinin rəhbəri Ozal İbrahimli deyib.

“Jurnalistika və xəbər sahəsi ilə tanış olan hər bir kəs anlayır ki, mənbəyi bilinməyən istənilən məlumata inanmaq olmaz. Qondarma xəbərə mötəbərlik donu geyindirmək üçün mənbəni “ATV-nin məsul şəxsi” adlandırmaq da yalanı doğru etmir. Özünü “ATV-nin məsul şəxsi” kimi təqdim edən mənbə olubsa da, çox güman ki, o şəxs adi dələduzdur. Zaur Baxşəliyev ATV telekanalında 20 ildən çoxdur ki, müvəffəqiyyətlə çalışır və yüksək istedadı, savadı, televiziya təcrübəsi, əmək intizamı ilə seçilir. Onu tanıyanlar bilirlər ki, yayım fəaliyyəti ilə bağlı hər hansı dəyişiklik barədə o, ilk növbədə, öz kollektivi, həmkarları və telekanalın rəhbərliyi ilə bölüşər. Günay və Zaur Baxşəliyevlər uzun illərdir ki, geniş tamaşaçı auditoriyasını maraqlı, aktual verilişlərlə sevindirirlər. Onlar daim öz verilişlərini təkmilləşdirir və zənginləşdirir, həmkarları ilə yeni maraqlı ideyaları bölüşürlər.

Fürsətdən istifadə edərək, bir daha xatırladırıq ki, ATV telekanalının fəaliyyəti ilə bağlı rəsmi və doğru məlumat üçün ATV-nin Media və İctimaiyyətlə Əlaqələr Şöbəsinə müraciət etmək olar”, – deyə O.İbrahimli vurğulayıb.

DOĞRU.AZ

image-nerjbanner

  • whatsapp
  • messenger
  • telegram
  • vkontakte
  • odnoklassniki