Bu gün 30-cu Yubiley Azərbaycan Beynəlxalq Qida Sənayesi – “InterFood Azerbaijan” və 18-ci Azərbaycan Beynəlxalq Kənd Təsərrüfatı – “Caspian Agro” sərgilərində 30-dan çox ölkə və 450 şirkət iştirak edir. Bu da tədbirin beynəlxalq əhəmiyyətini bir daha təsdiqləyir.
Doğru.az xəbər verir ki, bu fikirləri “2-ci Beynəlxalq Aqrar İnnovasiya Forumu”nda çıxışı zamanı Pakistan Milli Assambleyasının üzvü Bilal Azxar Kavanı səsləndirib.
O qeyd edib ki, Azərbaycan və Pakistan yalnız qardaş ölkə deyil, eyni zamanda strateji tərəfdaşdır.
“Pakistanda məşğul əhalinin 37 faizi kənd təsərrüfatı sahəsində çalışır. Ötən il Pakistan 8 milyard dollar həcmində qida məhsulları ixrac edib ki, bunun da 4 milyard dolları düyünün payına düşür. Kənd təsərrüfatında müasir texnologiyalardan geniş istifadə edilir. Fermer təsərrüfatlarında və özəl sektorda rəqəmsallaşma əsas prioritetlərdəndir. Bu sektorda ən son texnologiyaların tətbiqi dövlətin başlıca istiqamətlərindən biridir,” – deyə Bilal Azxar Kavanı vurğulayıb.
Millət vəkili çıxışında həmçinin Hindistanla yaşanan münaqişələr zamanı Azərbaycanın Pakistana göstərdiyi dəstəyi yüksək qiymətləndirib.
DOĞRU.AZ
