Keniya millisinin baş məşqçisi Engin Fırat Rusiya millisi ilə qarşıdakı yoldaşlıq görüşündən danışaraq, bunun dünyanın 40 ən yaxşı komandası arasında yer alan həqiqətən də güclü rəqiblə oyun olacağını qeyd edib.
Onun sözlərini Sport Express nəşri sitat gətirir.
“Keniya millisinə qoşulandan bəri burada çox şey dəyişdi. Bu yaxınlarda Qətər və İranla oynadıq və Rusiya ilə görüş Keniyanın Avropa komandası ilə ilk oyunu olacaq. Bu, milli komandanın oyunçularına öz səviyyələrini göstərmək üçün yaxşı fürsətdir. Bu, bizim üçün tarixi bir gündür!” – mütəxəssis dedi.
Oktyabrın 16-da “Mardan” stadionunda Rusiya və Keniya yığmaları Türkiyədə qarşılaşacaq.
Mənbə: Sports.ru
