Rusiya və Braziliyanın xarici işlər nazirləri Sergey Lavrov və Mauro Vieyra Kazanda keçiriləcək BRİKS sammitinə hazırlıq və Ukrayna böhranını müzakirə ediblər.
Bu barədə Rusiya diplomatik departamentinin məlumatında deyilir.
“BRICS-in oktyabrın 22-24-də Kazanda keçiriləcək 16-cı sammitinə hazırlıq məsələləri və bu assosiasiyanın fəaliyyətinin müəyyən aspektləri ətraflı müzakirə olunub. Ukrayna böhranının problemlərinə də toxunulub”, – nazirlik qeyd edib.
Bundan əvvəl məlum olmuşdu ki, Finlandiya prezidenti Aleksandr Stubb oktyabrın 28-31-də Pekinə səfəri zamanı Çin sədri Si Tsinpinlə Ukraynadakı vəziyyəti müzakirə edəcək.
Mənbə RİA Novosti
