İran prezidenti Məsud Pezeşkian NBC News telekanalına müsahibəsində deyib ki, Tehran heç vaxt ABŞ-ın yeni seçilmiş prezidenti Donald Trampa sui-qəsd planlaşdırmayıb.
Onun sözlərinə görə, bu mesajlar İsrail və digər ölkələrin iranofobiyanı təbliğ etmək üçün hazırladıqları sxemlərdən biridir.
“İran heç vaxt kimisə öldürməyə cəhd etməyib və planlaşdırmır. Heç olmasa, mənim bildiyim qədər”, – Pezeşkian vurğulayıb.
Noyabr ayında İran artıq Trampa qarşı sui-qəsd cəhdlərində iştirakını inkar etmişdi .
ABŞ Ədliyyə Nazirliyi öz növbəsində İran hakimiyyəti adından İslam İnqilabı Keşikçiləri Korpusunun (SEPAH) agenti Fərhad Şakerinin Trampa sui-qəsd hazırladığını açıqlayıb.
DOĞRU.AZ
