Rusiya prezidenti Vladimir Putin hesab edir ki, sahibkar İlon Maskın innovasiyasını dayandırmaq olmaz.
Bu barədə o, jurnalistin saytında dərc olunan Taker Karlsona müsahibəsində bildirib.
“İndi deyirlər ki, ABŞ-da İlon Mask artıq hansısa insanın beyninə çip yerləşdirib. Düşünürəm ki, Maskı dayandırmaq mümkün deyil – o, hələ də lazım bildiyini edəcək”, – Putin bildirib.
Prezident Maskı ağıllı insan adlandırıb və milyarderlə razılaşmanın lazım olduğunu bildirib.
Karlson fevralın 3-də Moskvaya gəlib. Onun Rusiyaya gəlişi Rusiya mətbuatında geniş işıqlandırılıb. Jurnalistin Moskva səfəri zamanı Putinlə müsahibənin lentə alınması Qərb mətbuatının diqqətini çəkib.
Mənbə: Lenta.ru
