“Real Madrid”in futbolçusu Toni Kroos keçmiş komanda yoldaşı, hazırda Səudiyyə Ərəbistanının “Əl-Nəsr” klubunda çıxış edən Kriştiano Ronaldo haqda danışıb.
Almanın sözlərini Madrid Universal nəşri sitat gətirir.
“Cristiano Ronaldo ilə birlikdə oynamaq heyrətamiz idi. O, futbol tarixinin ən yaxşı oyunçusudur”, – deyə Kroos bildirib.
Ronaldo 2009-2018-ci illərdə “Real Madrid”də çıxış edib. Bu müddət ərzində portuqaliyalı iki dəfə İspaniya çempionu, eyni sayda ölkə kubokunun qalibi olub. O, həmçinin dörd dəfə Çempionlar Liqasının qalibi olmağı bacarıb.
Mənbə: Sports.ru
