“Əl-Nəsr”in portuqaliyalı hücumçusu Kriştianu Ronaldo Səudiyyə Ərəbistanı çempionatının gedişindən danışıb.
“Səudiyyə Ərəbistanında olmaqdan çox xoşbəxtəm, futbol dəyişir. Yüksək keyfiyyətli oyunçular gəlir. Bir müddət əvvəl dediyim kimi, bu liqa dünyanın ən yaxşısı olacaq. Addım-addım yol qət olunur.
Digər ulduzların gəlişi ilə Səudiyyə Liqası daha sürətlə inkişaf edəcək. Bizim ümumi məqsədimiz dəyişməz olaraq qalır: Avropanın yüksək liqaları ilə rəqabət aparmaq və hətta onları keçmək”, – portuqaliyalı bildirib.
Avqustun 25-də Ronaldonun het-triki Səudiyyə Ərəbistanı çempionatının 3-cü turunun matçında Əl-Nasr-a Əl-Fateh üzərində qələbə qazandırdı (5:0).
Mənbə: Sports.ru
