Rusiya Xarici İşlər Nazirliyi Beynəlxalq Olimpiya Komitəsinin (BOK) idmançılara qarşı diskriminasiya ilə bağlı son bəyanatlarını ikili standartlar adlandırıb.
Müvafiq bəyanat təşkilatın rəsmi saytında dərc olunub.
“Biz beynəlxalq idman təşkilatlarından milli komandaların Olimpiadada iştirakı məsələsinə bu yanaşmadan əl çəkməyi və “idman siyasətdən kənardır” prinsipini xatırlayaraq Olimpiya Xartiyasının müddəalarının hərfinə və normalarına əməl etməyi tələb edirik”, – bəyanatda deyilir. .
BOK bu yaxınlarda verdiyi açıqlamada israilli idmançılara qarşı ayrı-seçkiliyə məruz qala bilməyəcəyini, çünki onlar hökumətin hərəkətlərinə görə məsuliyyət daşımadıqlarını bildirib.
Mənbə: Sports.ru
