Qazaxıstan Aktauda Azərbaycan təyyarəsinin qəzaya uğramasının səbəblərini obyektiv şəkildə aydınlaşdırmaq üçün əlindən gələni edəcək.
Bunu Qazaxıstan Prezidenti Kasım-Jomart Tokayev Azərbaycandan olan həmkarı İlham Əliyevə telefonla deyib.
“Kasım-Jomart Tokayev insidentin araşdırılması üzrə xüsusi dövlət komissiyasının işinin gedişi haqqında məlumat paylaşıb”, – Tokayevin mətbuat xidməti bildirib.
Dekabrın 25-də “Azərbaycan Hava Yolları” QSC-nin Bakıdan Qroznıya uçan sərnişin təyyarəsi Qazaxıstanın Aktau şəhəri yaxınlığında qəzaya uğrayıb. 38 nəfər həlak olub.
Hazırda Azərbaycan Baş Prokurorluğunun bir qrup əməkdaşı Qroznıya ezam olunub və Rusiya Federasiyası Baş Prokurorluğundakı həmkarları ilə birgə istintaq hərəkətləri aparır.
DOĞRU.AZ
