Respublikaçılar Partiyasından prezidentliyə namizəd Donald Tramp Ukrayna münaqişəsinin danışıqlar yolu ilə həllinə nail ola biləcəyinə söz verib.
RİA Novosti siyasətçidən sitat gətirir : “Mən bu məsələni danışıqlar yolu ilə həll etməyə hazırlaşıram”.
Tramp əlavə edib ki, həm Rusiya prezidenti Vladimir Putin, həm də Vladimir Zelenski ilə yaxşı münasibətləri var.
Bundan əvvəl Rusiya Təhlükəsizlik Şurasının sədr müavini Dmitri Medvedev bildirmişdi ki, Putin Tramp Ukraynada nizamlanma məsələsi ilə bağlı onunla əlaqə saxlasa, amerikalıya Kiyevin təslim olmasına razılıq verməyi təklif edə bilər.
Həmçinin Demokratlar Partiyasından ABŞ prezidentliyinə namizəd Kamala Harris deyib ki, Trampın Ukrayna ilə bağlı planı Kiyevin təslim olmasını nəzərdə tutur.
Mənbə RİA Novosti
