Yanvarın 10-u səhər saatlarına olan məlumata görə, Ukraynanın 523 yaşayış məntəqəsi pis hava şəraiti səbəbindən işıqsız qalıb. Bu barədə ölkənin Energetika Nazirliyi öz Telegram kanalında məlumat yayıb.
“Pis hava şəraiti – güclü külək, xətlərin buzlanması, dayaqların uçması və buzla əlaqədar 523 yaşayış məntəqəsi işıqsız qalıb. Energetiklər əlverişsiz hava şəraiti ilə əlaqədar enerjisiz qalan istehlakçıların enerji təchizatının bərpası istiqamətində işləri davam etdirirlər”, – nəşr yazır.
Ukrayna Energetika Nazirliyinin məlumatına görə, 24 saat ərzində Dnepropetrovsk, Odessa, Nikolayev və Kirovoqrad vilayətlərində 500 yaşayış məntəqəsində əlaqə bərpa edilib.
Mənbə: TASS
