Avqustun 7-də Xaçmaz rayonunda “Şaftalı festivalı” təşkil olunacaq.
Doğru.az xəbər verir ki, tədbir Xudat şəhərində yerləşən “Food City Agrocomplex”in ərazisində baş tutacaq. Festival Xaçmaz Rayon İcra Hakimiyyətinin təşəbbüsü ilə keçirilir və əsas məqsədi ölkədə şaftalı istehsalının təşviqi, ixrac imkanlarının artırılması, milli dəyərlərin və turizm potensialının tanıdılmasıdır.
Festivalda şaftalı sortları, bu meyvədən hazırlanan şirniyyatlar və içkilər, eləcə də milli adət-ənənələrimizi əks etdirən kompozisiyalar, rəqslər və azsaylı xalqların mətbəxi təqdim olunacaq.
DOĞRU.AZ
