Çin prezidenti Si Cinpin yeni il müraciətində Tayvan boğazının hər iki sahilindəki insanları bir ailə adlandırıb.
“Boğazın hər iki tərəfindəki soydaşlar bir ailədir, heç kim qanımızı və qohumluq bağlarımızı kəsə bilməz, vətənin yenidən birləşməsinin tarixi tendensiyasını heç kim dayandıra bilməz”, – RİA Novosti onun sözlərini sitat gətirir.
O, həmçinin vurğulayıb ki, Çin Honq-Konq və Makaonun uzunmüddətli rifahı və sabitliyini dəstəkləmək kursunu davam etdirəcək.
Daha əvvəl Çin Müdafiə Nazirliyinin sözçüsü Vu Qian bildirib ki, Tayvanın xarici qüvvələrə güvənmək cəhdləri uğursuzluqla başa çatacaq.
DOĞRU.AZ
