ABŞ-ın amerikalıları Belarusu tərk etməyə çağırması gərginliyi artırmaq üçün təxribatdır. Bu açıqlama ilə Rusiya Xarici İşlər Nazirliyinin rəsmi nümayəndəsi Mariya Zaxarova çıxış edib.
“Biz bunu ABŞ-ın əvvəllər verdiyi daha bir oxşar bəyanatı təxribat kimi səciyyələndiririk”, – deyə RİA Novosti onun sözlərini sitat gətirib .
Zaxarova xatırladıb ki, bu, Amerika Dövlət Departamentinin ilk belə hərəkəti deyil. Diplomat qeyd edib ki, Vaşinqton 2023-cü ilin avqustunda oxşar “xəbərdarlıq” edib.
“Bu, sevimli taktikadır. Onlar bundan gərginliyi artırmaq üçün istifadə edirlər”, – Zaxarova vurğulayıb.
O, əlavə edib ki, Birləşmiş Ştatlar onlara “sədaqət andı içməyən” ölkələrdə ilk növbədə mühüm seçki prosesləri ərəfəsində bu cür taktikalardan istifadə edir.
DOĞRU.AZ
