ABŞ-ın Missisipi ştatında futbol oyunundan sonra atışma nəticəsində 3 nəfər ölüb, 8 nəfər yaralanıb.
Bu barədə Associated Press yazır.
Məktəbin futbol komandasının qələbəsini qeyd edən 200-300 nəfərlik kütləyə azı iki naməlum şəxsin atəş açdığı bildirilir.
“Ölənlərdən ikisinin 19, üçüncünün isə 25 yaşı var. Zərərçəkənlər təyyarə ilə yerli xəstəxanalara çatdırılıb”, – materialda deyilir.
Agentlik qeyd edir ki, atışmanın baş verdiyi Holms qraflığında gənclərin iştirak etdiyi atışmaların sayı artıb. Polisin fikrincə, qarşıdurma ərazi və ya narkotik üzərində ola bilər.
DOĞRU.AZ
