ABŞ-ın maliyyə naziri Skott Bessent Böyük Britaniya və Kanadanı Rusiyaya qarşı iqtisadi təzyiqləri gücləndirməyə çağırıb.
Doğru.az xəbər verir ki, Bessent bu fikirləri Avropa İttifaqının iqtisadiyyat üzrə komissarı Valdis Dombrovskis, Böyük Britaniyanın maliyyə kansleri Reyçel Rivz və Kanadanın maliyyə naziri Fransua-Filip Şampan ilə görüşləri zamanı səsləndirib.
Nazir, həmçinin Almaniyanın vitse-kansleri və maliyyə naziri Lars Klinqbeyl ilə danışıqlar zamanı bildirib ki, ABŞ prezidenti Donald Trampın administrasiyası Avropadan G7 ölkələrinin Rusiyaya təzyiqlərini daha da artırmasını gözləyir.
Qeyd edək ki, daha əvvəl Skott Bessent ABŞ-ın Yaponiyadan Rusiya neftindən tam imtina edəcəyini gözlədiyini də bəyan etmişdi.
DOĞRU.AZ
