Cənub-Şərqi Norveç Universitetinin professoru Qlenn Dizen ABŞ prezidenti Donald Trampın Ukraynaya qarşı sərt tələblər irəli sürməkdə ittiham oluna biləcəyini bildirib.
Doğru.az xəbər verir ki, professor bu fikri sosial media hesabında paylaşdığı açıqlamada səsləndirib.
Dizen qeyd edib: “Tramp tezliklə Ukraynaya qarşı sərt tələblər irəli sürməkdə ittiham olunacaq. Günahı Trampda deyil, 2014-cü il çevrilişini, davamlı eskalasiyanı və sülh sazişlərinin sabotajını dəstəkləyən insanlarda axtarın.”
Professor həmçinin vəziyyətin daha da pisləşəcəyini və bunun faciə ilə nəticələnə biləcəyini proqnozlaşdırıb.
Bundan əvvəl məlumat verilmişdi ki, Donald Tramp Vaşinqtonun hazırladığı münaqişənin həlli planını Ukrayna Prezidenti Vladimir Zelenskiyə təqdim etmək üçün ABŞ ordusunun katibi Daniel Driskolu Kiyevə göndərib.
“The Wall Street Journal” da Trampın Ukrayna münaqişəsinin həlli üçün ABŞ tərəfindən hazırlanan planı təsdiqlədiyini yazıb.
DOĞRU.AZ
