Rusiya Aerokosmik Qüvvələri Ukrayna qoşunlarının hava hücumundan müdafiə sistemlərinə qarşı diversiya manevrləri həyata keçirmək üçün müasir Su-30SM qırıcı təyyarələrindən istifadə edir.
Bu barədə hərbi müşahidəçi Maya Karlin “The National Interest”də dərc olunan məqaləsində qeyd edib.
Onun sözlərinə görə, Su-30SM pilotları Ukraynanın hava hücumundan müdafiə sistemlərinin diqqətini çəkir və səmaya yüksək uçmağa qadir olan bombardmançılar bombardman missiyalarını yerinə yetirirlər.
Karlin əlavə edib ki, maksimal uçuş sürəti Mach 2.0-a çata bilən Su-30SM Rusiya hərbçiləri tərəfindən Ukraynada patrul və döyüş əməliyyatları üçün Su-35 təyyarələri ilə tandemdə istifadə olunur.
Rusiya Aerokosmik Qüvvələri bu seriyanın yeni Su-30SM qırıcılarının ilk partiyasını 2022-ci ildə alıb.
Mənbə: A Haber
