ABŞ və Çin kosmik gəmiləri müntəzəm olaraq manevr döyüşləri adlanan əməliyyatlarda iştirak edir. Peyklər mürəkkəb görüşlər keçirir və qırıcı təyyarələrin it döyüşlərini xatırladan hücumları simulyasiya edir.
Doğru.az xəbər verir ki, “The Washington Post” qəzetinin məlumatına görə, bu manevrlərin məqsədi əksər hallarda casusluqdur. Xəbərdə ABŞ kəşfiyyat vasitəsi USA 270-in Günəşin koredici effektindən istifadə edərək Çinin Şiyan seriyalı peyklərinə gizlicə yaxınlaşmağa çalışdığı bir hadisə təsvir olunub.
Hadisəyə cavab olaraq Çin cihazlarından biri kəskin əyləc manevri edib və təqibçinin quyruğunda mövqe tutaraq rolları dəyişdirib.
Amerika mətbuatı ABŞ Kosmik Komandanlığının rəisi general Stiven Uaytinqin sözlərini də sitat gətirib: “Dünyanın aparıcı kosmik gücü olaraq qalmağımızdan və üstünlüyü qorumaq, özümüzü müdafiə etmək üçün manevr qabiliyyətlərimizi inkişaf etdirməyimizdən əmin olmaq istəyirik”.
Qeyd olunur ki, daha əvvəl ABŞ Prezidenti Donald Tramp astronavtların Aya qayıtması üçün 2028-ci ili son tarix olaraq müəyyən edən fərman imzalamışdı.
DOĞRU.AZ
