Ağ Evdə ABŞ-ın keçmiş prezidentlərini tənqid edən və lağa qoyan lövhələr nümayiş etdirilib.
Doğru.az xəbər verir ki, bu barədə “The Guardian” qəzeti məlumat yayıb. Qeyd olunur ki, lövhələrdəki yazılar hazırkı Amerika lideri Donald Trampın şəxsi fikirlərini əks etdirir və Ağ Evin qərb qanadında yerləşən “Prezident Şöhrət Xiyabanı”nda portretlərin altında quraşdırılıb.
Məqalədə bildirilir ki, prezident Co Baydenin xatirə lövhəsində yazılmış fikirlər ən kobud tənqidlərdən hesab olunur: “Yuxulu Co, şübhəsiz ki, Amerika tarixinin ən pis prezidenti idi”. Həmçinin qeyd olunub ki, Bayden “ABŞ-da indiyə qədər keçirilmiş ən korrupsiyalaşmış seçkilərin nəticəsində vəzifəyə gəlib”.
Barak Obamanın portretinin altında isə onun “ən mübahisəli siyasi fiqurlardan biri” olduğu vurğulanıb.
DOĞRU.AZ
