Google tədqiqatçıları Android əməliyyat sistemində yüzdən çox təhlükəsizlik boşluğu müəyyən ediblər.
Doğru.az xəbər verir ki, Dekabr bülletenində mühəndislər Android Açıq Mənbə Layihəsində (AOSP) ciddi pozuntular barədə istifadəçilərə xəbərdarlıq ediblər.
Məlumata görə, Google və müstəqil tədqiqatçılar ümumilikdə 107 boşluq aşkarlayıb və onlar üçün uyğun təhlükəsizlik yeniləmələri hazırlanıb.
Təhlükəli boşluqlar arasında ən çox diqqət çəkənlər CVE-2025-48633 və CVE-2025-48572 olub. Hər iki boşluq Android Çərçivəsində imtiyazların artırılması və məlumatlara icazəsiz girişlə bağlıdır.
Mütəxəssislər bildirirlər ki, bu boşluqlar vasitəsilə smartfonlara uzaqdan hücum etmək mümkündür və hakerlərin həmin zəifliklərdən artıq öz kampaniyalarında istifadə etdikləri qeyd olunub. Google istifadəçilərə təhlükəsizlik yeniləmələrini dərhal quraşdırmağı tövsiyə edir.
DOĞRU.AZ
